झापा । झापाकाे एक सामुदायिक वनमा कटान आदेश बिनाको सखुवा जातको काठ बरामद गरिएकाे छ । घटनामा संलग्न अध्यक्ष लगायतकाे टाेली फरार रहेका छन् । झापा अर्जुनधारा नगरपालिका वडा नं.२ शान्ति सामुदायिक वनका अध्यक्ष खगेन्द्र कोईराला लगायतको टोलीले कटान आदेश बिना सखुवा जातको रुख कटान गरेकाे जिल्ला प्रहरी कार्यालय झापाले जनाएकाे छ ।
गोलीया बनाई लोड गर्दै गरेको भन्ने सुचनाको आधारमा अस्थाई प्रहरी चौकी खुदुनाबारीबाट खटिएको प्रहरी टोलीले मङ्गलबार दिउँसाे ११ बजे सो स्थानबाट अन्दाजी १०३ क्यु.फिट काठ लोड भएको अवस्थामा मे १ त ६११ नम्बरको ट्याक्टरलाई फेला पारी ट्याक्टर समेत नियन्त्रणमा लिएकाे जिल्लाका डिएसपी खगेन्द्र बहादुर खडकाले जानकारी दिए ।
घटनापछि आवश्यक कारबाहीको लागी सव डिभिजन वन कार्यालय सुरुङ्गामा
बुझाइएको उनले जनाए । ट्याक्टर चालक र अध्यक्ष काेइराला लगायतका व्यक्तीहरु फरार
रहेकोले खोजतलास कार्य जारी रहेको उनले जानकारी दिए ।
