झापा / झापाकाे मेचीनगर नगरपालिका ४ बाहुनडाँगीकाे मानव सेवा आश्रममा एक जना मानिस सुतिरहेकाे अवस्थामा मृत फेला परेका छन् ।
मृत अवस्थामा भेटिएका व्याक्ति भद्रपुर नगरपालिका वडा नं. १० क्षेत्रमा वेवारिसे अवस्थामा हिड्डुल गर्ने तत्काल वतन नखुलेको वर्ष ५० को भुन्टे कुर्मि रहेकाे प्रहरीले जानकारी दिएकाे छ ।
गत जेठ २२ गते भद्रपुर नगरपालिकाले बेवारिसे अवस्थामा हिन्डुल गर्ने कुर्मीलाई उद्धार गरि बाहुनडाँगीकाे मानव सेवा आश्रममा बुझाइएको थियो। आज दिउँसाे ३ः०० काे समयमा सोहि आश्रममा सुतिरहेकाे अवस्थामा मृत्यु भएको थियाे । कानुनि प्रकृया तथा थप अनुसंधान लागि इलाका प्रहरी कार्यालय काँकरभिट्टाबाट प्रहरि अधिकृतको टोली खटाइएकाे र पोष्टमार्टमको लागि शवलाई प्रादेशिक अस्पताल भद्रपुर पठाईएको जिल्ला प्रहरी कार्यालय झापाले जानकारी दिएकाे छ ।
