नक्साल स्थित नेपाल बाल सङ्गठनको जग्गा विवाद प्रकरणमा प्रतिवादी कृति प्रसाद पाण्डेलाई अदालतले २ लाख ५० हजार धरौटीमा छाड्न आदेश गरेको छ
सोमबार काठमाडौँ जिल्ला अदालतकी न्यायाधीश कमला पौडेलले उनलाई धरौटीमा रिहा गर्न आदेश गरेकी हुन् ।
नक्साल स्थित राई स्कुलका प्रिन्सिपल पाण्डे धरौटी रकम बुझाएर रिहा भएका छन् । राई स्कुलबाल मन्दिरको जग्गा भाडामा लिएर सञ्चालन गरिएको छ ।
पाण्डे वृहस्पति विद्या सदनको सञ्चालक समिति सदस्य र सेयर होल्डर समेत हुन् । बाल मन्दिरका पूर्व पदाधिकारीले वृहस्पति विद्या सदनसँग सस्तो मूल्यमा जग्गा भाडा सम्झौता गरेर ठगी भन्दै सरकारी वकिलले उनलाई पनि प्रतिवादी बनाएर मुद्दा दायर गरेको थियो ।
