प्तरीको राजगढ गाउँपालिका–४, पृथाहीमा एक युवकको विभत्स हत्या गरिएको अवस्थामा शव फेला परेको छ।
जिल्ला प्रहरी कार्यालयका अनुसार मृतक ३२ वर्षीय राजकुमार खाङ डाक्नेश्वरी नगरपालिका–८ का बासिन्दा हुन्। स्थानीयहरूले घटनास्थलमा शव देखेपछि प्रहरीलाई खबर गरेका थिए।
प्रहरीले खबर पाउनेबित्तिकै जिल्ला प्रहरी कार्यालयका प्रमुख डिएसपी जितेन्द्रकुमार बस्नेतको नेतृत्वमा प्रहरी टोली घटनास्थलतर्फ खटिएको थियो।
शवलाई पोस्टमार्टमका लागि राजविराजस्थित गजेन्द्र नारायण सिंह अस्पताल पठाइएको प्रहरीले जानकारी दिएको छ।
डिएसपी बस्नेतका अनुसार घटनाको गम्भीरताका साथ अनुसन्धान भइरहेको छ। प्रदेश प्रहरी कार्यालय मधेसबाट तालिम प्राप्त कुकुरसहितको विशेष टोलीसमेत अनुसन्धानका लागि खटाइएको छ।
