साङ्केतिक तस्वीर
झापा । झापाको कनकाई नगरपालिका वडा न. १ जुकेकल्भर्टमा भएको मोटरसाइकल दुर्घटनामा चालकको मृत्यु भएको छ । मृत्यु हुनेमा मोटरसाइकल चालक झापा गाउँपालिका वडा न.६ शरणामती का अन्दाजी ५०बर्षीय हरिप्रसाद सिटौला रहेकाे जिल्ला प्रहरी कार्यालय झापाले जनाएकाे छ ।
साेमबार बिहान ४ः३० बजे जुकेकल्भर्टस्थित पूर्वपश्चिम राजमार्गमा सुरुङगाबाट बिर्तामोडतर्फ आउँदैं गरेको मे ४ प ९५० नम्बरको मोटरसाइकल आफै अनियन्त्रित भई डाईभर्सनमा ठोक्किन गई दुर्घटना हुँदा मोटरसाइकल चालक सिटौलाको मृत्यु भएको जिल्लाका डिएसपी कृष्णकुमार चन्दले बताए ।
टाउको र निधारमा चोट लागेर घाइते भएका सिटौलालाई उपचारको लागि बीएण्डसी अस्पताल बिर्तामोड पठाएकोमा अस्पताल पुर्याउनसाथ चिकित्सकले मृत्यु भइसकेको पुष्टि गरेकाे उनले बताए । घटना सम्बन्धमा अन्य थप अनुसन्धान जारी रहेको जनाइएकाे छ ।
