झापा / चाँदीका गरगहनासहित प्रहरीले एकजनालाई पक्राउ गरेको छ ।
पक्राउ पर्नेमा सप्तरी राजविराज नगरपालिका–२ घर भई हाल कटहरी गाउँपालिका–२ बस्ने ४० वर्षीय सञ्जय स्वर्णकारलाई चाँदीको गरगहनासहित पक्राउ गरेको हो ।
प्रहरीले उनलाई विराटनगर महानगरपालिका–१२ बसपार्कस्थित दक्षिणबाट उत्तरतर्फ आउँदै गरेको को. ०१–०२–०४८ प ७६६८ नम्बरको मोटरसाइकलमा जिल्ला प्रहरी कार्यालय मोरङबाट खटिएको प्रहरी टोलीले चेकचाँचको क्रममा स्वर्णकारको साथबाट राजस्व चुहावट गरी ल्याउँदै गरेको अवस्थामा एक लाख २८ हजार रुपैयाँ मूल्य बराबरको चाँदीका गरगहनाहरू फेला पारेको मोरङ प्रहरीका प्रवक्ता डिएसपी वेदप्रकाश जोशीले जानकारी दिए । थप अनुसन्धान तथा कारबाहीको लागि विराटनगर भन्सार कार्यालयमा बुझाएको उनले जानकारी दिए ।
