झापा । नेकपा एमालेले यहि बैशाख १५ मा हुन लागेको उपनिर्वाचनमा इलाम–२ बाट सुहाङ नेम्वाङलाई उम्मेदवार बनाउने भएको छ ।
आज
बसेको पार्टीको सचिवालय बैठकले इलाम २ मा नेम्वाङलाई उम्मेदवार बनाउने
निर्णय गरेको एमाले उपमहासचिव प्रदीप ज्ञवालीले जानकारी दिए । सुहाङ ४
मंसिर २०७९ को आम निर्वाचनमा त्यसै क्षेत्रबाट जितेका एमाले नेता
सुवासचन्द्र नेम्वाङका छोरा हुन् ।
सुवास
नेम्वाङको भदौ २५ गते निधन भएपछि त्यहाँ उपनिर्वाचन हुन लागेको हो ।
यसअघि इलाम जिल्ला कमिटी र प्रदेश कमिटीले इलाम–२ का लागि सुहाङसँगै
नेताहरु बुद्धि खनाल, रवीन्द्र सुवेदी, नरेन्द्रनाथ भट्टराई, देवी क्षेत्री
दुलाल र रिम्पल राई पनि सिफारिस गरेको थियो । त्यस्तै एमालले बझाङ १ मा
हुने प्रदेशसभा निर्वाचनमा दमनबहादुर भण्डारीलाई उम्मेदवार बनाउने पनि
निर्णय गरेको छ ।
