फायल तस्वीर
झापा । कालोपत्रे सडक निर्माणको माग राख्दै स्थानीयले सडक अवरुद्ध पारेको विषयलाइ लिएर सोमबार छलफल हुने भएको छ । विर्तामोड – भद्रपुर सडक खण्ड अन्र्तगत चन्द्रगढी लेखनाथ चोकको सडक अवरद्ध पारेको विषयमा सरोकारवालासँग छलफल हुने भएपछि सडक सुचारु भएको छ ।
चन्द्रगढी आसपासका स्थानीयले आइतबार विहान लोखनाथ चोक र उत्तरतर्फ खानेपानी कार्यालय छेउमा ढाट र अन्य सामग्री राखेर सडक बन्द गराएपछि भद्रपुर नगरका मेयर गणेश पोखरेल सहितका जनप्रतिनिधिले छलफलका लागि अनुरोध गरेपछि भोलीसम्मका लागि सडक खुला गरिएको स्थानीय देवेन्द्र थाम्सुहाङले जानकारी दिए । छलफलका लागि सोमबार १० नम्बर वडा कार्यालयमा स्थान तय भएको उनले बताए ।
ठेक्का लागिसकेपनि निमार्ण कार्य सुचारु नगरेको भन्दै स्थानीयहरुले सडक अवरोध गरेका थिए । उनीहरुले मोटरसाइकल,साइकल र अत्यावश्यक सवारी साधन वाहेक अन्य सवारी साधन रोकेका थिए ।
धुलोका कारण सडकमा बसीनसक्नु भएपनि अब पानी हालेर धुलो बन्द गर्ने हैन कालो पत्रे सडक नै एक सुत्रिय माग रहेको उनीहरुले जनाएका छन् । हिउँदमा धुलो मारेर के गर्नु वर्षायाममा हिलाम्मे सडक हुन्छ भन्दै नेता र ठेकेदार प्रति आक्रोसित देखिएका थिए । देउनीय देखी चन्द्रगढी भैरब चोकसम्म ठेक्का लागेपनि अलपत्र पारेर काम नगरेको भन्दै उनीहरु विरोधमा उत्रिएका छन् ।
