झापाको बिर्तामोड नगरपालिका वडा नम्बर ९, कञ्चनटोलमा दुखद घटना भएको छ ।
त्यहाँ आमाको मृत्यु भएको भोलिपल्ट छोराको पनि निधन भएको हो । कंचन टोल विकास संस्थाका उपाध्यक्ष वर्ष अन्दाजी ५० का खेम नेपालीकी आमा वर्ष अन्दाजी ६८ की नरमाया नेपालीको हिजो विहान घरमै निधन भएको थियो । उनको हिजो दिउँसो अन्त्येष्टि गरिएको थियो ।
त्यसको भोलिपल्ट खेम नेपालीको पनि मृत्यु भएको हो । मिर्गौला सम्बन्धी समस्या रहेका खेमको आज दिउँसो ४ बजे प्रादेशिक अस्पताल भद्रपुरमा निधन भएको छिमेकी यज्ञराज श्रेष्ठले बताए । खेमकी श्रीमतीको पनि पाँच महिनाअघि क्यान्सर रोगबाट निधन भएको थियो ।
