साङ्केतिक तस्वीर
झापा । चालु आर्थिक वर्षको साउन महिना पूरा नहुदै पानीमा डुबेर ६ जनाकाे मृत्यु भएको छ ।
जिल्ला प्रहरी कार्यालय झापाले दिएकाे विवरण अनुसार शुक्रबार बिहान अन्दाजी ११ः३० बजे शिवसताक्षी नगरपालिका वडा न.१० र ७ को सिमाना टेक्रास्थित माईखोलामा डुबेर कन्काई नगरपालिका वडा न.५ बस्ने ६० वर्षीय चन्द्रबहादुर बि.क. बेपत्ता भएका छन् । खोलाबाट दाउरा निकाल्ने क्रममा उनलाई खोलाले बगाई बेपत्ता बनाएको हो ।
अस्थाई प्रहरी चौकी माईधारबाट प्रहरी टोली खटिएर स्थानीयहरुको सहयोगमा खोजतलास गर्ने कार्य भइरहेको जिल्ला प्रहरी कार्यालयका सूचना अधिकारी डीएसपी खगेन्द्बहादुरर खड्काले बताए । गत आर्थिक वर्ष २०८१–०८२ मा झापामा पानीमा डुबेर ३६ जनाले ज्यान गुमाएका थिए ।
