झापा । लागूऔषध भित्र्याउँदै गर्दा मेची पुलमा दुईजना पक्राउ परेका छन् ।
मेचीनगर वडा न. ६ स्थित पुरानो मेची पुलमा लागूऔषध नियन्त्रण ब्यूरो काँकडभिट्टा र इलाका प्रहरी कार्यालय काँकडभिट्टाबाट खटिएको संयुक्त प्रहरी टोलीले भारतबाट नेपालतर्फ सिटीसफारीमा आउँदै गरेका बुद्धशान्ति ४ बुधबारे बस्ने ३१ वर्षीय द्रोणबहादुर बेघालाई लागूऔषधसहित पक्राउ गरेको जिल्ला प्रहरी कार्यालय झापाले जनाएकाे छ । शंका लागेर चेकजाँच गर्दा उनले लगाएको पाइन्टभित्र लुकाई छिपाई राखेको कालो रङको प्लाष्टिकको पोकामा १ ग्राम ५६० मिलिग्राम ब्राउनसुगर फेला परेको जिल्लाका डिएसपी कृष्णकुमार चन्दले बताए ।
त्यस्तै आज बिहान १०ः३० बजे मेची पुलमै भारतबाट नेपालतर्फ सिटीसफारीमा आउँदैं गरेका मेचीनगर १० शान्तिटोल बस्ने ३० वर्षीय सुरेन्द्र गुरुङ २ ग्राम ५७० मिलिग्राम ब्राउनसुगरसहित पक्राउ परेका छन् । दुवैलाई इलाका प्रहरी कार्यालय काँकडभिट्टामा राखिएको उनले जनाए ।
