फायल तस्वीर
झापा । निर्वाचन आचारसंहिता विपरितको प्रचार प्रसार गरेकाे भन्दै झापा क्षेत्र नं. १ को राष्ट्रिय स्वतन्त्र पार्टी (रास्वपा) को घरदैलो कार्यक्रम प्रशासनले रोकेको छ । बिहिबार बिहान काकडभिट्टा क्षेत्रमा घरदैलो कार्यक्रम भइरहेको स्थानमा प्रहरी पुगेर कार्यक्रम रोकेको रास्वपाका क्षेत्रीय निर्वाचन परिचालन समितिका सदस्य कमल गौतमले जानकारी दिए । जिल्ला प्रशासन कार्यालय झापाको आदेश अनुसार प्रहरीले रोकेको आदेशले घरदैलो कार्यक्रम रोकेको प्रहरीले जानकारी गराएको गौतमले बताए ।
यस सम्बन्धमा जिल्ला प्रशासन कार्यलय
झापाले सार्वजनिक सूचना नै जारी गरी राजनीतिक दलको नाम उल्लेख नगरी घरदैलो
कार्यक्रम रोकेको जनाएको छ । निर्वाचन आचारसंहिता विपरीतको प्रचार -प्रसार
भएकाले घरदैलो कार्यक्रम रोक्नु परेको र विभिन्न स्थानका व्यानरहरु समेत
निकालिएको झापाका सहायक प्रमुख जिल्ला अधिकारी एवम निर्वाचन आचारसंहिता अनुगमन अधिकृत तेजप्रकाश प्रसाईले बताए । निर्वाचन आचारसंहिता सबै दलका लागि बराबर भएकाले
त्यस बिपरीतका क्रियाकलाप नगर्न सबै दललाई आग्रह गरिसकिएको उनले जनाए । पुनः एकपटक सवै दल र उम्मेदवारलाइ राखेर छलफल गराउनु पर्ने आवश्यक देखिएकाे उनले जनाए ।
