एसएसबी र दिघलबैंक प्रहरी चौकीको संयुक्त कारबाहीमा बिहीबार लागूऔषध तस्करीविरुद्ध ठूलो सफलता मिलेको छ। संयुक्त टोलीले खरवान टोल निवासी रिजवाबुल हकको घरमा छापा मारेर १२ लागूऔषध तस्करहरूलाई पक्राउ गरेको छ। पक्राउ पर्ने अभियुक्तहरूमा ११ पुरुष र एक महिला छन्।
छापा मार्ने क्रममा प्रहरीले १७५ ग्राम ब्राउन सुगर, ८ लाख १३ हजार ७७५ रुपैयाँ भारतीय नगद, २ लाख १२ हजार २३० रुपैयाँ नेपाली मुद्रा, दुई वटा डिजिटल तराजु , १३ वटा मोबाइल फोन, एउटा ट्याब्लेट , ३०० थान प्रतिबन्धित औषधि , दुईवटा मोटरसाइकल बरामद गरेको छ।पक्राउ पर्ने अभियुक्तहरूमा अख्तर आलम, अल शेर, बब्लु मियाँ, जीवन श्रेष्ठ, शकुरुद्दीन, रुस्तम अन्सारी, सद्दाम अन्सारी, मोहम्मद आलम, रहिम अन्सारी, प्रेम खनाल, मोहम्मद इस्लाम र हसिना खातुन रहेका छन्।
