झापा जिल्ला प्रहरी कार्यालयबाट खटिएको प्रहरी टोलीले मिति २०८२ जेठ २९ गते दिउँसो साढे ३ बजे झापा मेचीनगर–१२, धुलाबारी बसपार्क क्षेत्रमा विशेष निगरानीका क्रममा एक जना भारतीय नागरिकलाई भन्सार छली मोबाइल फोनसहित पक्राउ गरेको छ।
प्रहरीका अनुसार पक्राउ परेका व्यक्ति भारत पश्चिम बंगाल निवासी अन्दाजी ६५ वर्षीय नुर आलम हुन्। उनी धुलाबारीबाट ईटहरी जान लागेका बसमा चढ्न खोजिरहेको अवस्थामा नियन्त्रणमा लिइएको थियो। प्रहरीले उनको साथबाट कुल १३ थान अवैध रूपमा ल्याइएका आईफोन बरामद गरेको छ, जसको अन्दाजी मूल्य रू. ५,४०,००० बराबर रहेको छ।
बरामद गरिएका मोबाइलहरू निम्न प्रकारका छन्:
-
iPhone 13 Pro Max – १ थान
-
iPhone 12 Pro – २ थान
-
iPhone 12 – ३ थान
-
iPhone 11 – ६ थान
-
iPhone XR – १ थान
पक्राउ परेका व्यक्ति र बरामद मोबाइल सेटहरूलाई मिति २०८२ जेठ ३० गते आवश्यक कानुनी कारबाहीका लागि मेचि भन्सार कार्यालय, काकडभिट्टा मा पठाइएको जिल्ला प्रहरी कार्यालय झापाले जानकारी दिएको छ।
