झापा । उदयपुरको कटारीमा स्कोरपियो गाडी दुर्घटना झापाका एकजनाकाे मृत्यु  भएको छ, भने दुर्घटनामा परी ६ जना घाइते भएका छन ।  प्रहरीले दिएकाे जानकारी अनुसार बिहीबार दिउँसो ४ः १० बजेको समयमा मदन भण्डारी लोकमार्ग अन्तरगत कटारी नगरपालिका-६ स्थित सोमबारेमा चितवनबाट झापातर्फ आउँदै गरेको मे १ च ३०४० नम्बरको स्कोरपियो गाडी आफै अनियन्त्रित भई सडक साईडमा लगाएको फलामको ट्रस्ट बेरियरमा ठोक्किँदा दुर्घटना भएको थियो । गाडीमा सवार चालकसहित सातै जना झापा बासिन्दा हुन् ।  घटनास्थल पुगेका इलाका प्रहरी कार्यालय कटारीका टोलीले घाइतेहरूलाई उपचारका लागि प्रादेशिक अस्पताल कटारी पठाएको छ । त्यसमध्ये झापा दमक नगरपालिका-३ का ५५ वर्षीय माधव बस्नेतको उपचारको क्रममा मृत्यु भएको प्रहरीले जनाएको छ ।