झापा । काठमाडौंबाट मात्रै १५९ जना पक्राउ परेका छन् ।
गएकाे भदाै २३ र २४ मा भएको जेनजी आन्दोलनमा तोडफोड र आगजनीमा उत्रिएकामध्ये उनीहरू पक्राउ परेका हुन् ।
जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईका अनुसार अहिलेसम्म १५९ जनालाई पक्राउ गरी ती मध्ये अहिले परिसरको हिरासतमा ८२ जना छन् ।
बाँकी भने केही तारेखमा छुटेका छन्, केहीको अदालतमा मुद्दा गएर आदेश समेत भइसकेको छ ।
पक्राउ पर्नेहरूमा हत्यादेखि, चोरी, हातहतियार खरखजना, कर्तव्य ज्यान, आपराधिक उपद्रव, अभद्र व्यवहारसम्मका आरोपीहरू छन् ।
पक्राउ परेकामध्ये प्रहरी हत्या गर्ने पाँचसहित आठ जना पुर्पक्षका लागि कारागार चलान भइसकेका छन् ।
