झापा । हिलोमा गाडिएको अबस्थामा एकजना व्यक्ति मृत फेला परेका छन् । मृत्यु हुनेमा बिर्तामोड ९ बस्ने ४९ वर्षीय होमप्रसाद सुवेदीरहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार हल्दिवारी २ कलाधर बस्तीस्थित हल्दिबारी–बिर्तामोड भित्री पक्की सडकको छेउमा जोतेको खेतको हिलोमा मृत फेला परेका थिए ।
आज बिहान ५.२० बजे साइकलसहित अनुहार गाडिएको अवस्थामा उनलाई मृत फेला पारी स्थानीयहरुले प्रहरीलाई जानकारी गराएका थिए ।
प्रहरी चौकी हल्दिबारीबाट टोली खटिएर घटनास्थल सुरक्षित राखेको र थप अनुसन्धान तथा कानुनी प्रकृया भइरहेको जिल्ला प्रहरी कार्यालयले जनाएको छ । मृतककी छोरी हल्दिबारी २ बस्ने योगमाया सुवेदी भट्टराईले शवको पहिचान गरेकी थिइन् ।
