साङ्केतिक तस्वीर
झापा । फन पार्क भित्रकाे बिजुली मर्मत गर्ने क्रममा करेन्ट लागेर एक प्राविधिककाे ज्यान गएकाे छ । झापा कनकाई नगरपालिका २ स्थित हेपी ल्याण्ड फनपार्कमा सोही फनपार्क भित्रको बिजुलीको काम गर्ने झापा शिवसताक्षि नगरपालिका.९ बस्ने देवेन्द्र बिक्रम नेम्वाङको छोरा अन्दाजी ४५ बर्षिय सन्तोष लिम्बुकाे ज्यान गएकाे जिल्ला प्रहरी कार्यालय झापाले जनाएकाे छ ।
जिल्लाका डिएसपी खगेन्द्र बहादुर खड्काले दिएकाे जानकारी अनुसार बिहीबार अन्दाजी साढे ४ बजे अचानक करेन्ट लागी घाइते भएका लिम्बुकाे उपचारको लागी कनकाई नगर अस्पताल सुरुङ्गा पुर्याउनासाथ चिकित्सकले चेकजाँच गर्दा मृत घोषणा गरेको जनाए । प्रहरीले घट्नाका बारेमा थप अनुसंधान शुरू गरेकाे जनाएकाे छ ।
