झापा । झापाकाे रतुवामाई जंगलमा जंगली हात्ती मृत अवस्थामा फेला परेकाे छ ।
गएराति कमल गाउँपालिका वडा नम्बर–३ मा रहेको रतुवामाई बृक्षरोपण
आयोजनाको जंगलमा करेन्ट लागेर जंगली हात्तीकाे मृत्यु भएकाे जिल्ला प्रहरी कार्यालय झापाले जनाएकाे छ । जंगली हात्तीले
बिजुलीको पोलमा धकेल्दा हाईटेन्सन तारमा पर्न गई हात्तीलाई करेन्ट
लाग्दा सुँड र एउटा दारा जली हात्तीकाे घटनास्थलमै मृत्यु भएकाे जिल्ला प्रहरी कार्यालय झापाका डिएसपी खगेन्द्र बहादुर खड्काले जानकारी दिए ।
प्रहरी चौकी केर्खाबाट प्रहरी टोली खटिएर घटनास्थल सुरक्षित राखेको छ र कानुनी प्रकृयाको लागि डिभिजन वन कार्यालय झापासँग समन्वय गरि
घटनास्थलमा सव डिभिजन वन कार्यालय चुलाचुलीबाट टोली आइसकेको प्रहरीले
जनाएको छ ।
यसअघि गत जेठ ७ गते झापा बुद्धशान्ति–५ को पाँचपोखरी सामुदायिक वनमा रैथाने जंगली हात्ती मृत फेला परेको थियो ।
योसंगै
यस आर्थिक वर्षमा झापामा तीनवटा जंगली हात्तीकाे मृत्यु भइसकेकाे छ । गत फागुन २९ गते
कचनकवल– ७ स्थित पाथीभरा सामुदायिक वनमा करिब डेढ महिनाअघि मरेको हुनसक्ने
वयस्क भाले हात्ती सडेगलेर दुर्गन्धित अबस्थामा फेला परेको थियो ।
त्यस्तै यस आर्थिक वर्षमा हात्तीको आक्रमणमा परी झापामा चार जनाको ज्यान गइसकेको छ । गत आर्थिक वर्षमा जिल्लामा ४ वटा हात्ती मृत फेला परेका थिए ।
