झापा । मेची भन्सार कार्यालयले बुधबार काँकडभिट्टामा आयोजना गरेको “राजस्व संकलनमा भन्सार” विषयक वक्तृत्वकला प्रतियोगितामा सम्पन्न गरेकाे छ ।मेची सामुदायिक सेवा केन्द्र मेचीनगरको संयोजनमा भएको प्रतियोगितामा चिरञ्जीवी कोइराला प्रथम, रमेश नेपाल द्धितीय र उषा निरौला तृतीय भए ।
प्रतियोगितामा सहप्राध्यापक एवं बाल जागरण मञ्च झापाका अध्यक्ष मणिकुमार लिम्बू र सहप्राध्यापक तथा सञ्चारकर्मी स्वस्तिका आचार्य सिटौलाले निर्णायकको भूमिका निर्वाह गरेका थिए ।
प्रतियोगितामा नगरका सामुदायिक तथा संस्थागत गरी १५ वटा विद्यालयबाट प्रतियोगीसहित प्रतिनिधिमूलकरुपमा शिक्षकहरुको उपस्थिति थियो ।
मेची सामुदायिक सेवा केन्द्रका अध्यक्ष मुक्ति पौडेलले स्वागत गरेको कार्यक्रमको सञ्चालन कार्यक्रम संयोजक तथा प्रेस क्लव मेचीनगरका उपाध्यक्ष जीआर धितालले गरेका थिए ।
ट्रान्स नेपाल फ्रेट सर्भिसेज प्रालि मेचीनगरले प्रायोजन गरेको प्रतियोगितामा प्रथम, द्धितीय र तृतीय भएका विद्यार्थीलाई यही शुक्रवार हुने भन्सार दिवश समारोहमा पुरस्कार राशी जनही क्रमशः ५, ४ र ३ हजार रुपैयाँ र प्रमाणपत्रद्वारा पुरस्कृत गरिनेछ ।
