झापा ।मलद्वारबाट लागुऔषधसहित मोरङका एकजना युवालाई झापाको काँकडभिट्टाबाट प्रहरीले पक्राउ गरेको छ ।
आज दिउँसो ३ बजे लागुऔषध नियन्त्रण ब्युरो काँकडभिट्टाको टोलीले काँकडभिट्टास्थित पुरानो मेचीपुलमा उर्लाबारी-३ का ४० वर्षीय खेमराज सुवेदीलाई पक्राउ गरेको हो ।
भारतबाट सिटी रिक्सामा नेपालतर्फ आउँदै गरेका सुवेदीलाई जाँच गर्दा उनले प्लाष्टिकमा पोको पारेर मलद्वारमा लुकाएर तीन ग्राम खैरो हेरोइन ल्याएको पाइएको थियो ।उनलाई नियन्त्रणमा लिई इलाका प्रहरी कार्यालय काँकडभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।
