झापा । झापामा सवारी दुर्घटनामा परी १८ जनाको मृत्यु भएको छ । यो माघ महिनाको २५ दिनभित्र त्यति धेरैजनाकाे मृत्यु भएकाे हाे ।
जिल्ला प्रहरी कार्यालय झापाले दिएकाे जानकारी अनुसार अर्जुनधारामा लगातार दुईजनाले ज्यान गुमाएका छन् भने बिरिङ खोलामा ट्रयाक्टरले किचेर सहचालकको
मृत्यु भएको छ ।
त्यसैगरी केही दिनअघि स्कुटीको ठक्करबाट घाइते भएका झापा अर्जुनधारा ३ बस्ने ४५ वर्षीय राजन बास्कोटाको उपचारका क्रममा मृत्यु भएको छ ।
बिर्तामोड– खुदुनाबारी सडकखण्डमा बिर्तामोडबाट खुदुनाबारीतर्फ
जाँदै गरेको प्र.१–०१–०१८ प १६७ नम्बरको स्कुटीले बाटो क्रस गर्दै गरेका
पैदलयात्री बास्कोटालाई ठक्कर दिएको थियो । उनलाई उपचारका लागि बीएण्डसी
अस्पताल लगिएको थियो ।
स्कुटी चालक इलाम माई नगरपालिका ३ बस्ने ३५ वर्षीया अमृता राई र स्कुटी
प्रहरी नियन्त्रणमा रहेको जिल्ला प्रहरी कार्यालयले जनाएको छ ।
यसअघि माघ २१ गते दमकमा टिपरको ठक्करबाट दुईजनाको मृत्यु भएको थियो । झापामा सवारी दुर्घटनाबाट मानवीय क्षति हुने क्रम निकै बढेको हो । माघ १ गते एकैदिन तीनजनाले ज्यान गुमाएका थिए भने त्यसयता प्राय दिनहुँ दुर्घटनामा मृत्यु हुने गरेको छ ।
