झापा । झापाको दक्षिणी भेग कचनकवल गाउँपालिकाका सिमा नाकाबाट ठुलो परिमाणमा अबैध मालसामान भित्रीने गरेकाे छ ।
पटकपटक सञ्चार माध्यमबाट अबैध ओसारपसारकाे काराेबार भएकाे समाचार प्रकाशित हुँदा केहिदिन चापपुप हुने नाका पुन: माैलाउने गरेकाे पाइएकाे छ ।
आइतबार साे क्षेत्रबाट भन्सार छलिगरेर ठुलाे परिणाममा सुर्ती र चिनी सशस्त्र प्रहरी बल नेपाल २ नम्बर गण झापाबाट खटिएको सशस्त्रको टोलीले बिहान साढे ६ बजेको समयमा ३० बोरा सुर्तीसहित १३ वटा साइकल नियन्त्रणमा लिएपछि सिमानाकाबाट तस्कर भइरहेकाे प्रष्ट भएकाे छ ।
गणबाट खटिएका इन्स्पेक्टर भीष्म सापकोटाको नेतृत्वको टोलीले कचनकवल १ स्थित हात्तीपाइला क्षेत्रबाट साइकलमा लोड भएका सो परिमाणका सुर्ती बरामद गरेको हो । भारतबाट अवैध रुपमा भन्सार छलेर साइकलमा लस्करै हालेर नेपाल भित्राइरहेको अवस्थामा सुर्ती बरामद गरिएको सशस्त्रले जनाएको छ । सशस्त्रलाई देख्न साथ तस्करीहरू साइकल र सुर्ती छाडेर भागेका थिए ।
बरामद गरिएको सुर्ती र साइकललाई १ लाख २८ हजार मुल्याकंन तोकेर भद्रपुर भन्सार कार्यालय बुझाइसकेको जनाइएको छ । तिलक भन्ने कारोबारीले कचनकवलको घेराबारी र पथरिया नाकाबाट ठुलो परिमाणमा सुर्ती भित्राउँदै आएको स्रोतको दाबी छ । त्यस्तै सोही नाकाबाट गदा भन्ने कारोबारीले चिनी भित्राउँदै आएको छ । सो नाकाबाट तस्करी गतिविधि मौलाएसँगै सशस्त्र प्रहरी बल नेपाल २ नम्बर गण झापाको टोलीले निगरानी बढाएको अवस्था छ ।
