झापा/ झापाको कचनकवल गाउँपालिकामा - ४ स्थित लोधावारीमा लागु औषधसहित तीनजना भारतीय नागरिक प्रहरीले पक्राउ गरेको छ।
यसरी पक्राउ पर्नेमा भारतकाे विहार राज्य किशनगंज जिल्ला बस्ने वर्ष २५ को मोहमद सोहेल, निजकै श्रीमती ऐजन बस्ने वर्ष २९ की तबसुम आरा र सोहि स्थान बस्ने वर्ष २४ को कचालु अन्सारी रहेका छन् ।
शुक्रबार बेलुका ५:३० बजेको समयमा झापाकाे कचनकवल गाउँपालिका -४ लोधाबारीमा लागू औषधको कारोबार भईरहेको छ भन्ने गोप्य सुचनाको आधारमा जिल्ला प्रहरी कार्यालय झापा र लागु औषध नियन्त्रण ब्युरो काकँडभिट्टाबाट खटिएको संयुक्त प्रहरी टोलीले भारतबाट नेपाल तर्फ शंकास्पद अवस्थामा पैदल आउदै गरेको तिनै जनालाई प्लाष्टिकको पोकामा आफुसंगै ल्याएको प्रतिबन्धित लागु औषध (ब्राउन सुगर) जस्तो देखिने खैरो लिसाईलो पदार्थ फेला पारी तत्कालै तौल गर्दा प्लाष्टिक वाहेक ५८ (अन्ठाउन्न) ग्राम ४०० (चार सय) मिलिग्राम सहित बरामद गरी थप अनुशन्धानको लागि निजहरुलाई पक्राउ गरी जिल्ला प्रहरी कार्यालय झापामा ल्याई राखेर थपअनुसन्धान भइरहेको जिल्ला प्रहरी कार्यालय झापाले जानकारी दिएको छ।
