झापामा किशोरीलाई यौन दुर्व्यवहार गर्ने एकजना सिटी सफारीका चालक पक्राउ परेका छन् । पक्राउ पर्नेमा कनकाई नगरपालिका-३ बस्ने ५० वर्षीय दिलकुमार प्रधान रहेका छन् ।
उनलाई इलाका प्रहरी कार्यालय बिर्तामोडले पक्राउ गरेको हो । हिजो साँझ कनकाईको भुरुङ्गाबाट ६ जना किशोरीहरू पिकनिक खाएर फर्किदा प्रधानको सिटी सफारीमा चढेका थिए । उनले पाँच जनालाई पछाडिपट्टि र एक जनालाई आफू बस्ने सिटमा राखेका थिए । छेउमा बसेकी किशोरीलाई उनले यौन दुर्व्यवहार गरेको बताइएको छ ।
ती किशोरीले घटनाबारे जानकारी दिएपछि हिजै साँझ प्रहरीले प्रधानलाई पक्राउ गरेको थियो । उनलाई आज अदालतबाट म्याद थप गरी अनुसन्धान अगाडि बढाइएको प्रहरी जनाएको छ । गाडी चालकहरूले महिलालाई आफूसँगै राखेर यौन दुर्व्यवहार गर्ने गरेको पाइएको छ ।
