झापा । सद्भाव र भातृत्वकाे प्रतीक छठ पर्वमा भद्रपुर स्थित मेची नदीमा संकिर्तन भजनसहित गंगा आरती गरिने भएकाे छ । भद्रपुर नगरपालिका नगर कार्यपालिकाकाे आयाेजना तथा ५ नम्बर वडा समितिकाे कार्यालय ,युनिक समूह र मैथिल समाज भद्रपुरकाे सहकार्यमा विहीबार साँझ भद्रपुर ५ सूर्यनारायण मन्दिर परिसरमा गंगा आरती गरिने भएकाे हाे ।
स्थानीय गुरू पिताम्बर अधिकारीकाे नेतृत्वमा आरतीकाे कार्यक्रम सञ्चालन हुने वडा नम्बर ५ का वडाअध्यक्ष बन्धु कार्कीले जनाए । कार्यक्रमकाे सम्पूर्ण तयारी पूरा भइसकेकाे उनले जानकारी दिए ।
यही वर्षकाे भदाै २३ गते पहिलाे पटक बन्धु कार्कीकाे नेतृत्वमा कार्की परिवारले मेची किनारमा गंगा आरती सञ्चालन गरेका थिए । साेही कार्यक्रममा नगर प्रमुख गणेश पाेखरेलले नगरपालिकाकाे आयाेजनामा छठ पर्वका दिन मेची नदीमा गंगा आरती हुने घाेषणा गरे बमाेजिम याे कार्यक्रम सञ्चालन हुन लागेकाे नगरपालिकाले जनाएकाे छ ।
कार्यक्रम सफल बनाउन नगरले विभिन्न संघ संस्था,उद्दाेगी,व्यवसायी,विभिन्न धार्मीक समूह,सञ्चारकर्मी लगायत सम्पूर्णलाइ सहभागिताका लागि निमन्त्रणा गरिएकाे नगर प्रमुख पाेखरेलले जनाए । कार्यक्रमकाे नेतृत्व नगरपालिकाले गर्ने उनले जानकारी दिए ।
ल हामी पनि आउदैछौ