झापा / चझापामा डेंगु संक्रमणका कारण एक बालकको मृत्यु भएको छ। जिल्लामा चालु वर्ष हालसम्म ६०१ जनामा डेंगु संक्रमण पुष्टि भएको स्वास्थ्य कार्यालय झापाले जनाएको छ।
मृत्युु हुनेमा झापाको झापा गाउँपालिका ६ का १० वर्षीय बालकको डेंगु सङ्क्रमणका कारण मृत्यु भएको जिल्ला स्वास्थ्य कार्यालय झापाले जनाएको छ ।
बालकको उपचारका क्रममा उनको मृत्यु भएको हो। जिल्लाभर संक्रमणको संख्या निरन्तर बढ्दै गएपछि स्वास्थ्य निकायले उच्च सतर्कता अपनाउन सर्वसाधारणलाई आग्रह गरेको छ।
स्वास्थ्य कार्यालय झापाका अनुसार हालसम्म ६०१ जनामा डेंगु पुष्टि भइसकेको छ। पछिल्ला साताहरूमा वर्षा बढेसँगै लामखुट्टेको प्रजनन बढेकाले संक्रमण पनि फैलिएको जनाइएको छ।
स्वास्थ्यकर्मीहरूले ज्वरो, टाउको दुख्ने, आँखाको पछाडि दुख्ने, शरीर तथा जोर्नी दुख्ने, वाकवाकी लाग्ने वा शरीरमा रातो दाग देखिएमा तुरुन्त स्वास्थ्य संस्थामा गएर परीक्षण गराउन आग्रह गरेका छन्।
