झापा । अटिजम भएका बालबालिकाहरुलाइ मध्यनजर गरी एक करोड भन्दा बढीको लागतमा झापाको मेचीनगर नगरपालिकामा अटिजम सेन्टर निर्माण हुने भएको छ । नगर कार्यापालिकाको जेठ ३ गते बसेको बैठकले अटिजम सेन्टरको भवन निर्माणका लागि चालु आर्थिक बर्षमा ४० लाख रकम बिनियोजन गरेसंगै भवन निर्माण सुनिश्चित भएको हो ।
एक करोड ७ लाख ७४ हजार ८३८ रुपैया लागत
स्टमेट तयार गरि यसै आर्थिक बर्षदेखि भवन निर्माणको काम सुरु हुने
नगरपालिकाले जनाएको छ । यो आर्थिक बर्षमा ४० लाख खर्च गर्ने र थप रकम आगामी
आर्थिक बर्षको बजेटबाट व्यवस्थापन गर्ने गरी कार्यपालिका बैठकले स्रोत
सुनिश्चित गरेको नगरपालिकाले जनाएको छ । अटिजम भएका बालबालिकाहरुको शिक्षा र
स्वास्थ्यमा बिषेश योगदान गर्न अटिजम सेन्टर निर्माण गर्न लागिएको
नगरपालिकाले जनाएको छ ।
