झापा / झापाकाे भद्रपुर नगरपालिका वडा नं. १ मा घरबाट राति निस्केर हिडेकी एक वृद्धा रुखमुनि मृत अवस्थामा फेला परेकी छन् ।
गएराति भद्रपुर १ तुलसी चोक बस्ने ६८ वर्षीया ओसत राई घरबाट निस्केर हिडेकोमा आज बिहान ५ः३० बजे घरदेखि अन्दाजी २० मिटर पूर्वमा रहेको पलासको रुखमुनि घोप्टो परी मृत अवस्थामा फेला परेकी हुन् ।
स्थानीयले देखेर इलाका प्रहरी कार्यालय पृथ्वीनगरमा जानकारी गराउनासाथ
प्रहरी टोली गएर घटनास्थल सुरक्षित राखेको थियाे । जिल्ला प्रहरी कार्यालय झापाबाट प्रहरी अधिकृत सहितको टोलि गएर कानुनी
प्रकृया पुरा गरि शवलाई पोष्टमार्टमको लागि प्रादेशिक अस्पताल भद्रपुर
पठाएको र थप अनुसन्धान भइरहेकाे जिल्ला प्रहरी कार्यालय झापाले जानकारी दिएकाे छ ।
