झापा । नेकपा एमालेका अध्यक्ष केपी शर्मा ओलीले एमाले बलियो हुनको लागि एकताबद्ध भएर अघि बढ्नु पर्ने बताएका छन् ।
नेकपा एमाले दमक नगर कमिटी झापाको दोस्रो नगर अधिवेशनको उद्घाटन कार्यक्रमलाई दमकमा सम्बोधन गर्दै अध्यक्ष ओलीले एमालेलाई आफ्नो लक्षमा पुग्न आन्तरिक एकता आवश्यक रहेको भनाइ छ ‘त्यसका लागि आन्तरिक एकता चाहिन्छ, पार्टीमा एकता चाहिन्छ, एकताबद्ध पार्टी हाम्रो मूल मन्त्र हो’, ओलीले भने ।
ओलीले एमालेको लक्ष मिसन २०८४ भएकोले एमालेको ध्यान अहिले अन्त कतै नभएको बताए । मिसन २०८४ भनेको तीनवटै तहमा एमालेको बहुमतको सरकार भएको पनि उनले स्पष्ट पारे ।
उद्घाटन कार्यक्रमलाई सम्बोधन गर्दै ओलीले जनताको मन जित्ने गरी
एकताबद्ध भएर अघि बढ्न कार्यकर्तालाई निर्देशन दिए ।
ओलीले कान्तिपुर मिडिया ग्रुपका अध्यक्ष कैलाश सिरोहियालाई समाचार लेखेको विषयलाई लिएर पक्राउ नगरिएको स्पष्ट पारे। सो विषयलाई लिएर प्रोपोकाण्डा मच्चाउन आवश्यक नरहेको उनले बताए । सिारोहियालाई गरिएको पक्राउ सञ्चारमाथिको हमला भनेर चर्चा गर्नु गलत भएको उनको भनाइ छ । ‘विषय त अर्कै छ, फौजदारी कुरा होला त्यो त, यसबारेमा सरकारले छानबिन गर्नुपर्ने देख्यो, त्यही भएर अनुसन्धानमा तानेको हुनुपर्छ’, उनले भने ।
