साङ्केतिक तस्वीर
झापा । झापाको हल्दिबारी गाउँपालिका–३ कुनाबारीमा दाउ प्रहारबाट एक युवक गम्भीर घाइते भएका छन्।
शनिबार राति १० बजे २८ बर्षीय समिर गुरुङलाई साेही पालिका १ का २६ बर्षीय दावा गुरुङले एक्कासी दाउ प्रहार गरी घाइते बनाएकाे जिल्ला प्रहरी कार्यालय झापाले जनाएकाे छ । प्रारम्भिक जानकारी अनुसार घटनाको कारण खुल्न सकेको छैन।
घाइते गुरुङलाई तत्काल उपचारका लागि प्रादेशिक अस्पताल भद्रपुर पठाइएको छ भने उपचारमा हाल उनका आफन्त संलग्न छन्।
घटनापछि गुरुङलाई नियन्त्रणमा लिएको जिल्लाका डिएसपी खगेन्द्रबहादुर खड्काले जानकारी दिए । उनीमाथि ५ दिन म्याद थपगरी मुलुकी अपराध संहिता २०७४ अन्तर्गत "अभद्र व्यवहार" कसुरमा अनुसन्धान अगाडि बढाइएको उनले जनाए। घटनाको थप विवरण संकलन भइरहेको जनाइएको छ।
