झापा । ठूलो मात्रामा लागूऔषध ब्राउनसुगरसहित भारतीय बाबु छोरा पक्राउ परेका छन् ।
हिजो दिउँसो १.३० बजे भद्रपुर ५ बसपार्कमा रहेको न्यू बान्तवा होटलबाट भारत
विहार किसनगञ्ज जिल्ला ठाकुरगञ्ज पंचायत उर्दु कोलोनी ८ बस्ने ३८ वर्षीय
जमकोद खान र उनका छोरा १८ वर्षीय आयान खान लागूऔषधसहित पक्राउ परेका हुन् ।
उनीहरुको साथबाट प्लास्टिकसहित ५८ ग्राम १० मिलिग्राम ब्राउनसुगर बरामद
भएको छ ।
होटलमा लागूऔषधको कारोबार भइरहेको भन्ने विशेष सूचनाको आधारमा प्रहरी टोलीले होटलमा पुगेर बाबु छोराको शरीर तलासी लिएको थियो । दुवैलाई जिल्ला प्रहरी कार्यालयमा ल्याई थप अनुसन्धान भइरहेको प्रवक्ता तथा डीएसपी कृष्णकुमार चन्दले बताए ।
