झापा / राेल्पामा श्रीमानकाे कुटाइबाट श्रीमतीकाे मृत्यु भएकाे छ ।
जिल्लाको रुन्टीगढी गाउँपालिका –५ जस्पुरका ४८ वर्षीय अमराज दमाइले श्रीमती ५२ बर्षीया रिमा परियारमाथि कुटपिट गर्दा उनीकाे ज्यान गएकाे प्रहरीले जानकारी दिएकाे छ ।
अमराजलाई हत्या गरेको आरोपमा पक्राउ गरिएको जिल्ला प्रहरी प्रवक्ता प्रहरी निरीक्षक सुनिल थापाले बताए।
मदिराले मातेका श्रीमान अमराजले श्रीमती रिमालाई शनिबार बेलुका ६ बजेतिर कुटपिट गरी गम्भीर घाइते तुल्याएको खबर इलाका प्रहरी कार्यालय होलेरीमा प्राप्त भएको थियो।
इप्रका होलेरी बाट प्रहरी निरीक्षक मनिस थापाको नेतृत्वमा पाँच जनाको प्रहरी टोली पुगेर घाइते रिमाको उद्धार गरि प्राथमिक स्वास्थ्य केन्द्र होलेरीमा उपचारका लागि पठाएको थियो।
पौने सात बजेतिर चेकजाँच पछि चिकित्किसले रिमालाई मृत घोषणा गरेका थिए।
अमराजलाई प्रहरीले नियन्त्रणमा लिएर अनुसन्धानअघि बढाएको छ भने रिमाको शव पोष्टमर्टमका लागि जिल्ला अस्पताल रेउघामा पुर्याएको छ।
