झापा / भद्रपुर नगरका पूर्व उपप्रमुखका छाेरा निश्चल राजभण्डारीकाे दुर्घटनामा परी निधन भएकाे छ । उनकाे उपचारका क्रममा काठमाडौमा अहिले साँझ ७ बजे निधन भएकाे पारिवारिक स्राेतले जनाएकाे छ । भद्रपुर ८ निवासी निश्चल र पत्नी पूजा सोमबार दुर्घटनामा परी घाइते भएका थिए ।
दुवैजना अध्ययनका लागि अस्ट्रेलियामा बसेर केही दिन अघि मात्रै मूल घर भद्रपुरमा आई फेरि अस्ट्रेलिया नै फर्कने क्रममा काठमाडौं पुगेका थिए। पारिवारिक स्रोतका अनुसार, राजभण्डारी दम्पती यसै हप्ता अस्ट्रेलिया फर्कँदै थिए।
अस्ट्रेलिया जानु पूर्व विदेश जाने तयारीमा बजार गई सामान किनेर भक्तपुरको निजी निवासमा फर्कने क्रममा कुकुरले सडकमा अवरोध पुर्याए पछि स्कुटर असन्तुलित भई सो दुर्घटना भएको थियो । दुर्घटनामा पूजा पनि घाइते भएकी थिइन् ।
मृतक युवा नेपाल परिवार नियोजन संघको केन्द्रीय सदस्य तथा भद्रपुर नगरपालिकाका निवर्तमान उपप्रमुख चन्द्रमाया श्रेष्ठ तथा सामाजिक व्यक्तित्व दुर्गा राजभण्डारीका छोरा बुहारी हुन् ।
