गृह मन्त्रालयले झापाको प्रमुख जिल्ला अधिकारी (प्रजिअ) मा सहसचिव श्रवणकुमार पोखरेललाई पदस्थापन गर्ने निर्णय गरेको छ।
झापाको हल्दिबारी गाउँपालिका–१, गोलधापका स्थायी बासिन्दा पोखरेललाई गृह मन्त्रालयको निर्णयअनुसार झापाको प्रमुख जिल्ला अधिकारीको जिम्मेवारी दिइएको हो।
अनुभवी तथा मिजासिलो प्रशासकका रूपमा परिचित पोखरेल यसअघि पनि झापामा प्रशासनिक जिम्मेवारी सम्हालिसकेका छन्। उनी २०६२/०६३ को जनआन्दोलनअघि शाही शासनकालमा जिल्ला प्रशासन कार्यालय झापामा प्रशासकीय अधिकृतका रूपमा कार्यरत थिए।
त्यसैगरी, पोखरेलले मालपोत कार्यालय झापाको प्रमुखको जिम्मेवारीसमेत सम्हालिसकेका छन्।
यसैबीच, झापाका वर्तमान प्रमुख जिल्ला अधिकारी शिवराम गेलाललाई गृह मन्त्रालयमा तानिएको छ। गेलालले पदबाट राजीनामा दिए पनि उक्त राजीनामा हालसम्म स्वीकृत भइनसकेको बताइएको छ।
