झापा / भारतको दिल्लीस्थित ऐतिहासिक हुमायूँको मकबरा परिसरभित्र एक कोठाको छत खस्दा पाँच जनाको मृत्यु भएको छ । दिल्ली प्रहरीले दिएको जानकारीअनुसार मृतकमध्ये तीन महिला र दुई पुरुष रहेका छन् ।
ज्वाइन्ट सीपी सञ्जय जैनका अनुसार दुर्घटनापछि १० जनालाई उद्धार गरी एम्स ट्रमा सेन्टर र एलएनजेपी अस्पताल पठाइएको थियो। तीमध्ये एम्स ट्रमा सेन्टरमा उपचाररत ५ जनाको मृत्यु भएको हो। हाल उद्धार कार्य पूरा भएको प्रहरीले जनाएको छ ।
प्रत्यक्षदर्शी विशाल कुमारले भने, ‘म हुमायूँको मकबरा क्षेत्रमा काम गर्छु। अचानक ठूलो आवाज आएपछि मेरो सुपरभाइजर दौडिँदै आए। हामीले मानिस र प्रशासनलाई बोलायौं र बिस्तारै फसेका मानिसहरूलाई बाहिर निकाल्यौं ।’
