भद्रपुरमा कराेडाैँ मूल्य बराबरको चाइनिज फर्सीको बियाँ गोदाममा छापा

झापा । जिल्ला प्रहरी कार्यालय झापाले चाइनिज फर्सीको बियाँ गोदाममा छापा मारेको छ । भद्रपुर ३ ज्ञानेचोक स्थित भिमलाल सुवेदीको घरमा राखिएको कराेडाैँ मूल्य बराबरको सामानमा छापा मारेको हो ।
अवैधरुपमा गोदाममा सामान राखिएको सुचना पाएपछि आइतबार दिउँसोदेखि घेरा हालेर अहिले गोदामबाट सामान बरामद गरिरहेको छ । बरामद सामानलाइ आवश्यक छानविनका लागि भद्रपुर भन्सार कार्यालय बुझाउने क्रमजारी छ । घटना स्थलमा जिल्ला प्रहरी कार्यालय,भन्सार कर्मचारी, आन्तरिक राजस्व कार्यालय भद्रपुरका कर्मचारी लगायतले सामान बरामद गरिरहेका छन् । गोदाममा लगभाग एक हजारभन्दामाथि  बोरा हुनसक्ने अनुमान गरिएको छ । सामान बरामद भइरहेकाेले अहिले केही भन्न नमिल्ने सुरक्षाा निकायले जनाएकाे छ ।
यता गोदाममा छापा मारेको विषयमा सम्बन्धित व्यापारीले आपत्ती जनाएका छन् । नेपालकै सामान भ्याट बिल भए पनि नियमविपरीत गोदामबाट सामान बरामद गर्नु गलत भएको आरोप लगाएका छन् । सम्बन्धित व्यापारीको अनुमति विना छापा मार्नु गलत भएको उनीहरुको आरोप छ ।
यस विषयमा बृस्तिृत विवरण आउँन बाकी छ ।