साङ्केतिक तस्वीर
झापा / झापाको भद्रपुर विमानस्थलबाट स्राेत नखुलेकाे रकमसहित एक जना विदेशी नागरिक पक्राउ परेका छन् । पक्राउ पर्नेमा भारत आन्द्रप्रदेश बस्ने ४२ वर्षीय पोलागानी तिरूमाला रावलाई रहेकाे जिल्ला प्रहरी कार्यालय झापाले जनाएकाे छ ।
बुद्ध एयरको उडानद्वारा मंगलबार विहान ८ बजेर ५५ मा भद्रपुरदेखि काठमाडौं जान लागेका रावको लगेज जाँच गर्ने क्रममा स्राेत नखुलेकाे ५ सय दरका ६० थान भारतीय रूपैयाँ , ९ हजार २ सय अमेरिकी डलर, अन्य विभिन्न देशका नोटहरू तथा विभिन्न बैंकका एटिएम कार्डसहित फेला परेकाे जिल्लाका इन्सपेक्टर ढुण्डीराज गिरीले जानकारी दिए ।
घटनापछि बरामद सामग्रीसहित रावलाइ आवश्यक कारबाहीका लागि राजस्व अनुसन्धान कार्यालय इटहरी सुनसरी बुझाइएकाे उनले जानकारी दिए ।
