झापा । पिकअपसहित करिव ३० लाख मूल्य बराबरको अवैध सामान भद्रपुरबाट बरामद गरिएकाे छ ।
भारतबाट नेपालतर्फ भन्सार छलि बा १८ च ४६१६ नम्वरको पिकअप गाडीमा ल्याउँदै गरेको मोवाइल फोनको पार्टस शनिबार राति ८ बजे भद्रपुर नगरपालिका वडा नम्वर ९ घाेडामारा छेउबाट बरामद गरिएकाे हाे ।
तस्करले कटेराेमा राखिरहेकाे मोवाइल फोनको पार्टस् २० कार्टुन अन्दाजी २९ लाख ८७ हजार २ सय र पिकअपकाे ५ लाख गरी ३४ लाख ८७ हजार २ सय मूल्य बराबरको सामान बरामद गरेकाे जिल्ला प्रहरी कार्यालय झापाले जनाएकाे छ । सामान मेची दाेभान हुदै तस्करले ल्याएका थिए ।
घटनामा पिकअप चालक भद्रपुर ५ का २३ वर्षीय राहुल कामतलाई प्रहरीले नियन्त्रणमा लिएको छ । गाडी र सामानसहित कामतलाई जिल्ला प्रहरी कार्यालय झापामा ल्याई आइतबार मेची भन्सार कार्यालय काँकडभिट्टामा बुझाइएकाे डीएसपी खगेन्द्र बहादुर खड्काले जानकारी दिए ।
त्यस्तै शनिबार ८ः५० बजे राति इलाका प्रहरी कार्यालय अनारमनी,बिर्तामोडबाट
खटिएको टोलीले अर्जुनधारा– ६ छाताचौकमा बेबारिसे अवस्थामा प्लास्टिकको
बोरामा पोका पारी राखेको अन्दाजी १८ लाख १० हजार २५० बराबरको अबैध सामान
बरामद गरेकाे जनाएकाे छ । मोबाइल पार्टसका सामानहरु बरामद भएको जनाएको छ । उक्त सामानलाइ पनि आइतबार मेची भन्सार कार्यालय काँकडभिट्टामा बुझाइएकाे उनले जनाए ।
