साङ्केतिक तस्वीर
झापा । झापा गाउँपालिकामा शुक्रबार साँझ सडक दुर्घटना हुँदा दुईजना गम्भीर घाइते भएका छन् ।
स्थानीय धनबहादुर प्रधानका अनुसार झापा-३ को कामाटोलीबाट गैरीगाउँ जाने भित्री सडकमा ट्याक्टर र मोटरसाइकल आपसमा जुध्दा दुर्घटना भएको हो ।दुर्घटनामा झापा-३ का धनबहादुर पौडेलका छोरा पुष्प पौडेल र मोटरसाइकलमा पछाडि रहेकी एकजना महिला घाइते भएको बताइएको छ ।
तालु सन्थालको घरअगाडि खेत जोतेर कामाटोलीतर्फ आउँदै गरेको मे. १ त ६०६२ नम्बरको ट्याक्टर र घर जाँदै गरेका पौडेलले चलाएको मोटरसाइकल आपसमा जुधेका थिए ।
