झापा । झापा चन्द्रगढीको पश्चिम क्षेत्रमा आज दिउँसो करिब १ बजे भएको खुकुरी आक्रमणमा एक २० वर्षीया युवती घाइते भएकी छन्।
जिल्ला प्रहरी कार्यालय झापाले दिएकाे जानकारी अनुसार भद्रपुर नगरपालिका–१०, सयपत्री मार्गकी सुरेखा मुखिया रहेकाे जनाएकाे छ ।
उनको दायाँ हात र कानमा चोट लागेको र अहिले उनलाई ओम साई पाथीभरा अस्पताल, भद्रपुरमा उपचार भइरहेको जनाइएकाे छ।
घटनाको अनुसन्धान जारी छ र हालसम्म आक्रमणकारीको पहिचान नखुलेकाे जिल्लाका डिएसपी खगेन्द्रबहादुर खड्काले जानकारी दिए । घटनाको कारण र विस्तृत विवरण खुल्न बाँकी रहेकाे उनले जनाए ।
घटनापछि स्थानीयहरूले उनलाई तत्काल अस्पताल पुर्याएका थिए। अस्पताल स्रोतका अनुसार उनको अवस्था स्थिर छ तर चिकित्सकीय निगरानीमा राखिएको छ।
प्रहरीले घटनाको बारेमा थप जानकारी संकलन गरिरहेको छ र सो समयमा उक्त क्षेत्र वरपर रहेका व्यक्तिहरूलाई अनुसन्धानका लागि सम्पर्क गरिरहेको छ।
