झापा । मायाको पहिचान नेपालका कार्यकारी निर्देशक सुनिल बाबु पन्तले राजावादी अभियानमा संलग्न राष्ट्र, राष्ट्रियता, धर्म, संस्कृति र नागरिक बचाउ महाभियानका संयोजक दुर्गा प्रसाईंविरुद्ध उजुरी दर्ता गराएका छन् ।
पन्तले उनीविरुद्ध नेपाल प्रहरीको साइबर ब्युरोमा शुक्रबार ब्युरोमा दर्ता भएको छ ।
लैङ्गिक तथा यौनिक अल्पसंख्यक समुदायलाई लक्षित गरी गलत सूचना तथा घृणास्पद अभिव्यक्ति फैलाएको आरोप प्रसाईमाथि छ ।
उजुरीमा दुर्गा प्रसाईका अनलाइन अभिव्यक्ति तथा गतिविधिको छानबिन गर्न,
नेपाल साइबर अपराध ऐन उल्लङ्घन गरेको आरोपमा आवश्यक कानूनी कारबाही गर्न,
समुदायलाई थप हानि पुग्न नदिन यस्ता घृणास्पद अभिव्यक्ति र गलत सूचनालाई
रोक्न आवश्यक कदम चाल्न माग गरिएको पन्तले बताए ।
