कोशी प्रदेशका विभिन्न जिल्लाको अनुगमनका क्रममा गृहमन्त्री सुधन गुरुङ गएराति झापा पुगेका छन् । आज उनले पूर्वसूचना नदिई आकस्मिक (छड्के) अनुगमनमा निस्किने तयारी गरेका छन् ।
प्राप्त जानकारीअनुसार, आज बिहान सदरमुकाममा जिल्लाका सुरक्षा अधिकारीहरूसँग भेटघाट गर्दै आवश्यक निर्देशन दिने कार्यक्रम रहेको बुझिएको छ । साथै, उनले भद्रपुर नाकाको समेत अनुगमन गर्न सक्ने सम्भावना रहेको छ ।
हिजो साँझ करिब ७:१५ बजे मोरङको विराटनगर–७ स्थित कोशी अस्पतालबाट बागमती प्रदेश नम्बर बीएसी २६२० को स्कोरपिओ गाडीमार्फत गृहमन्त्री गुरुङ झापातर्फ प्रस्थान गरेका थिए । उनी राति करिब ९:५६ बजे अर्जुनधारा–११ स्थित सालबारी हेरिटेज रिसोर्ट पुगेका थिए र सोही स्थानमा बास बसेका थिए ।
गृहमन्त्री आकस्मिक अनुगमनमा निस्किने तयारीमा रहेकाले झापास्थित सुरक्षा निकायलाई उच्च सतर्कतामा राखिएको बताइएको छ ।
