झापाको बिर्तामोड नगरपालिका–१, बिर्तासिटी अस्पताल छेउमा रहेको टोकला चिया फ्याक्ट्रीको अफिसमा आगलागी भएको छ। मिति २०८२।०३।२९ गते साँझ ७:४५ बजे जेनेरेटर रुममा विद्युतीय सर्ट भएर आगलागी भएको जनाइएको छ।
इप्रका अनारमनीमा आगलागीको सूचना साँझ ७:५० बजे प्राप्त हुनासाथ खटिएको प्रहरी टोली र बिर्तामोड नगरपालिकाको दमकलको सहायतामा आगो साँझ ८:०० बजे पूर्ण रूपमा नियन्त्रणमा लिइएको हो।
उक्त आगलागीबाट जेनेरेटर पूर्ण रूपमा क्षतिग्रस्त भएको छ। प्रारम्भिक अनुमान अनुसार आगलागीबाट करिब ५ लाख रुपैयाँ बराबरको क्षति भएको जनाएको छ।
