झापा । भारतीय कार प्रयाेग गरेर नेपालमा प्रतिबन्धित पटका ल्याउँदै गरेकाे अवस्थामा कारसहित सशस्त्र प्रहरीले एक लाख बढीको पटाका बरामद गरेकाे छ ।
मेचीनगर ६ काँकडभिट्टाबाट बरामद गरी एकलाख अठार हजार आठ सय ६४ रुपैयाँ मूल्य बराबरको पटाका शुक्रबार नष्ट गरेको हो । सशस्त्र प्रहरी बल नेपाल प्रस्तावित सीमा सुरक्षा गुल्म काँकडभिट्टाले स्थानीय जनप्रतिनिधि, सञ्चारकर्मीलगायतको रोहबरमा पटाका नष्ट गरिएको जनाएको छ ।
भारतबाट काँकडभिट्टा नाका हुँदै अवैध रुपमा भित्र्याइएको प्रतिबन्धित
पटाका नियन्त्रणमा लिएर नष्ट पारिएको
सशस्त्र प्रहरी बल गण २ का डिएसपी एवम प्रवक्ता सुमन पाेखरेलले बताए । भारतीय नम्बर प्लेटको डब्लु ७४ एपी २३२७ नम्बरको मारुती कारमा ती पटाका
ल्याइएको उनले बताए । भारी मात्रामा प्रतिबन्धित वस्तु हालेर भारतबाट नेपालतर्फ
ल्याउँदै गरेको गोप्य सूचनाका आधारमा प्रहरी परिचालन गरिएको उनकाे भनाइ छ ।
प्रहरीलाई देख्नासाथ कार छाडेर चालक फरार भएपछि शंका लागेर खोली हेर्दा
भारी मात्रामा प्रहरीले पटाका बरामद गरेको थियो । पटाका नष्ट गरेर
सवारीसाधनलाई आवश्यक कारवाहीका लागि मेची भन्सार कार्यालय काँकडभिट्टामा
बुझाइएको उनले जानकारी दिए ।
