साङ्केतिक तस्वीर
झापा । गौहत्यामा संलग्न चारजना ताप्लेजुङमा पक्राउ परेका छन् ।
पक्राउ
पर्नेहरुमा फुङलिङ –८ बस्ने ६१ वर्षीय डिल्ली शेर्पा, सोही ठाउँ बस्ने ६०
वर्षीय मानबहादुर तामाङ , ४८ वर्षीय पासाङ दावा शेर्पा र २९ वर्षीय सुवास
तामाङ रहेकाे जिल्ला प्रहरी कार्यालय ताप्लेजुङ्ले जनाएकाे छ । आज साँझ ५ः३० बजे ताप्लेजुङ फुङलिङ नगरपालिका –८ घुमाउने टोलमा गाई
काटेर मासु भाग लगाइरहेको प्रहरीले उनीहरुलाई पक्राउ गरेको हो ।
जिल्ला प्रहरी कार्यलय ताप्लेजुङबाट खटिएको प्रहरी टोलीले मासु, मासु काट्न प्रयोग गरेको २ थान खुकुरी र अचानो बरामद गरेको छ । उनीहरुलाई पक्राउ गरी जिल्ला प्रहरी कार्यालय ताप्लेजुङमा ल्याई थप अनुसन्धान भइरहेको जनाइएको छ ।
