झापा । बैङ्किङ कसुरमा फरार रहेका एक जनालाइ कारागार चलान गरिएको छ । बैङ्किङ कसुरमा फरार रहेका झापा कनकाइ –५ का ४० बर्षीय विष्णु कुमार (पाँचकोटी दर्जीलाइ कारागार चलान गरिएको जिल्ला प्रहरी कार्यालय झापाले जनाएको छ ।
झापा जिल्ला अदालतले २०८० चैत १४ गते १ महिना कैदसहित १६ लाख रुपैयाँ जरिवाना तथा पीडित राहत कोषमा ६४ हजार रुपैयाँ क्षतिपूर्ति हुने गरी फैसला गरेको जिल्लाका डिएसपी कृष्णकुमार चन्दले जानकारी दिए । अदालतको फैसला पछि प्रहरी कार्यालयबाट फैसला कार्यान्वयन का लागि खटिएको प्रहरी टोलीले आइतबार पक्राउ गरी अदालत बुझाएपश्चात् अदालतले गरेको फैसला अनुसार कैद भूक्तानका लागि झापा कारागार पठाइएको प्रहरीले जनाएकाे छ ।
