झापा । श्रीमद्बाल्मीकीय रामायण नवाह ज्ञान महायज्ञको आय–व्यय सार्वजनिक गरिएकाे छ । दुर्गा माता उपासना समिति भद्रपुर १० केन्द्रमोडले मिति २०८१ चैत्र २४ देखि २०८२ बैशाख २ गतेसम्म सञ्चालन गरेको पुराणकाे आय–व्यय सार्वजनिक गरिएकाे हाे । समितिले पुराण सम्बद्ध सरोकारवालालाई राखेर शनिबार सार्वजनिक गरेको विवरण अनुसार आयतर्फ २८ लाख ७८ हजार चारसय ३६ रूपैयाँ र व्ययतर्फ १३ लाख ६४ हजार पाँचसय ४८ रूपैयाँ खर्च गरिएको जनाएको छ ।
समितिका सचिव हरिकिशोर आचार्यका अनुसार दाताबाट सङ्कलित रकमबाट मन्दिर परिसरमा बाँकी रहेको निर्माण सम्पन्न गरी अन्य अक्षयकोषमा राखिने उल्लेख गरेका थिए । उनका अनुसार लगभग १६ लाख रकम बचत भएकोमा आधाभन्दा बढी रकम मन्दिर सञ्चालनार्थ अक्षयकोषमा र बाँकी अन्य मन्दिर परिसरमा मञ्च निर्माण, रङरोगन, टुटफुट मर्मत र शिव लिङ्ग र बसाह निर्माणमा खर्च गरिने उल्लेख गरिएको छ ।
समितिका अध्यक्ष मणिराम न्यौपानेको अध्यक्षता तथा ज्ञान महायज्ञका प्रमुख वाचक पण्डित प्रशान्त कृष्ण पराङ्कुशको प्रमुख आतिथ्यमा सम्पन्न कार्यक्रमको औचित्यमाथि उपाध्यक्ष पुरूषोत्तम अधिकारीले गरेका थिए भने सञ्चालन प्रचार –प्रसार संयोजक शालिकराम भट्टराईले गरेका थिए ।
