साङ्केतिक तस्विर
झापा । माेटरसाइकलले पैदलयात्रीलाइ ठक्कर दिँदा एक व्यक्तिकाे मृत्य भएकाे छ । मृत्यु हुनेमा मेचिनगर -१२ सयरडाँगीका ४४ वर्षिय निमा तामाङको ज्यान गएकाे जिल्ला प्रहरी कार्यालय झापाले जनाएकाे छ ।
कार्यालयले दिएकाे विवरण अनुसार जेठ ११ गते वेलुका साढे सात बजे मेचिनगर १२ सयरडाँगी चोक स्थित मेची राजमार्ग सडक खण्डमा चारआलीबाट बुधबारेतर्फ जादैँ गरेको प्र.१-०१-०१२ प ६३५३ नम्बरको मोटरसाइकलले पैदलयात्री तामाङ्लाइ ठक्कर दिइ दुर्घट्ना हुँदा पैदलयात्रीकाे टाँउकोमा चोट लागि घाइते भएका थिए ।
उपचारको लागि बिर्तासिटी अस्पतल विर्तामोडमा पठाइएकोमा जेठ १५ गते आर्थिक अभावका कारण डिस्चार्ज लिइ उपचारको लागि पुन: मेची आम्दा अस्पतालमा धुलाबारी लगिएकोमा उपचारका क्रममा सोही दिन निजको मृत्यु भएको जनाइएकाे छ । शव सोही अस्पतालमा रहेको छ। घट्नामा संलग्न मोटरसाइकल र चालक झापा बुद्धशान्ती १ बस्ने अन्दाजी .बर्ष २३ का नारायण भट्टराइलाइ नियन्त्रणमा लिई अनुसंधानको लागि इलाका प्रहरी कार्यालय धुलाबारी राखिएकाे प्रहरीले जनाएकाे छ ।
