झापा । वैदिक सनातन धर्म संरक्षण समिति भद्रपुर नगरले नगरस्तरीय बृह्त्त वक्तृत्वकला आयोजना गर्ने भएको छ । समितिको शनिबार वसेको विस्तारित वैठकले यहि आउँदो भदौ २१ गते भद्रपुरमा कार्यक्रम गर्ने निर्णय गरेको हो ।
नगर अध्यक्ष एकराज भट्टराई(नविन)को अध्यक्षतामा वसेको वैठकले कार्यक्रमलाइ सब्य र भव्य रुपमा सम्पन्न गर्नका लागि हेमन्त पौडेलको संयोजकत्वमा कमलनयन निरौला ,मिलन कोईराला ,खेमराज नेपाल,उत्तम नेपाल र अभिनाश पोखरेल सदस्य रहने गरी आर्थिक सङ्कलन उपसमिति चयन गरेको छ ।
त्यसैगरी कमलनयन निरौला संयोजक रहने गरी नविन भट्टराई,पीताम्बर अधिकारी,उदय खनाल,हेमन्त पौडेल र उत्तम नेपाल सदस्यसहितको कार्यक्रम सम्पन्न उपसमिति चयन गरिएको नगर सचिव उदय खनालले जानकारी दिए । वैठकले तीन सदस्य रहने गरी निर्णायक समितिको नाम चयन गरेपनि टुङ्गो लागिनसकेको जनाएको छ ।
भद्रपुर नगरभित्र २२ वटा संस्थागत ,८ वटा सामुदायिक र एकवटा गुरुकुलसहित ३१ विद्यालयका एक / एक जना विद्यार्थीलाइ सहभागिताका लागि पत्रचार गरिने अध्यक्ष भट्टराईले बताए । शिर्षक र पुरस्कार राशी केही दिनमा सार्वजनिक गरिने उनले जनाए ।
कार्यक्रम सम्पन्नका लागि पालिका, सङ्घ संस्था,उद्योगी,व्यवसायी, समाजसेवी लगायतबाट सहयोग माग्ने समेत वैठकले निर्णय गरेको सहसचिव पीताम्बर अधिकारीले जानकारी दिए ।
